ఒక్క హిట్.. ఒక్క హిట్ ప‌డితే చాలు.. ఇండ‌స్ట్రీ అంతా బాబూ అంటారు. ఇక హీరోయిన్ అయితే మేడ‌మ్ అంటూ వెంట ప‌డ‌తారు. మ‌రి ఏకంగా ట్రెండ్ సెట్టింగ్ సినిమాలో హీరోయిన్ గా మారితే.. అచ్చంగా శాలినిపాండేలా ఉంటుంది. ఈ భామ ఇప్పుడు తెలుగు, త‌మిళ ఇండ‌స్ట్రీల్లో దున్నేస్తుంది. అన్నీ టాలెంట్స్ చూపిస్తూ అద‌ర‌గొడుతుంది. అర్జున్ రెడ్డి సినిమా చూసిన వాళ్ల‌కు షాలిని గురించి చెప్పాల్సిన ప‌నిలేదు. ఆ చిత్రంలో లిప్ లాక్స్.. హాట్ సీన్స్ తో రెచ్చిపోయింది ఈ థియేట‌ర్ ఆర్టిస్ట్. ఇప్పుడు వ‌ర‌స‌గా బంప‌ర్ ఆఫ‌ర్లు ఈ భామ చెంత చేరుతున్నాయి. ఇప్ప‌టికే త‌మిళ‌నాట 100 ప‌ర్సెంట్ ల‌వ్ సినిమా రీమేక్ లో ఈ భామే న‌టిస్తుంది. ఈ చిత్ర షూటింగ్ చివ‌రిద‌శ‌కు వ‌చ్చేసింది.
ఇక 100 ప‌ర్సెంట్ ల‌వ్ రీమేక్ తో పాటు మ‌హాన‌టిలోనూ న‌టిస్తుంది షాలిని పాండే. సావిత్రి బ‌యోపిక్ గా మ‌హాన‌టి సినిమా తెర‌కెక్కుతోన్న సంగ‌తి తెలిసిందే. ఈ చిత్రాన్ని నాగ్ అశ్విన్ తెర‌కెక్కిస్తున్నాడు. ఈ చిత్ర షూటింగ్ పూర్త‌యింది. కీర్తిసురేష్ ఇందులో హీరోయిన్. ఇందులో షాలిని పోషించే పాత్రేంటి..? ఎవ‌రి కారెక్ట‌ర్ లో ఈమె క‌నిపించ‌బోతుంద‌నే విష‌యాలు మాత్రం ప్ర‌స్తుతానికి స‌స్పెన్స్. ఈ మ‌ధ్యే దుల్క‌ర్ స‌ల్మాన్ తో ఓ సినిమాలో న‌టించ‌బోతుంది షాలిని పాండే. ఏఎస్ కార్తిక్ తెర‌కెక్కించ‌బోయే ఈ చిత్రంలో దుల్క‌ర్ స‌ల్మాన్ కి జోడీగా న‌టించ‌బోతుంది ఈ బ్యూటీ. ఇక ఇప్పుడు నిఖిల్ క‌ణిత‌న్ రీమేక్ లోనూ ఈమెనే హీరోయిన్ గా తీసుకున్నారు. టిఎన్ సంతోష్ ఇప్ప‌టికే శాలినికి క‌థ కూడా చెప్పి ఒప్పించాడు. మొత్తానికి అర్జున్ రెడ్డి పాప మాత్రం ఇప్పుడు వ‌ర‌స అవ‌కాశాలతో దూసుకుపోతుంది.
