అదేంటి.. ర‌జినీకాంత్ సినిమాకు అల్లుడు కొట్ట‌డం ఏంటి అనుకుంటున్నారా..? అల్లుడు అంటే ఇక్క‌డ ధ‌నుష్ మాత్రం కాదు. ఈయ‌న పిల్ల‌నిచ్చిన అల్లుడు. కానీ ఈయ‌న‌కు మ‌రో అల్లుడు కూడా ఉన్నాడు. అత‌డే మేన‌ల్లుడు.. అనిరుధ్ ర‌విచంద్ర. అవును.. ఇది చాలా మంది తెలియ‌ని విష‌యం. అనిరుధ్ ర‌విచంద్ర స్వ‌యానా ర‌జినీకాంత్ కు అల్లుడు అవుతాడు. ర‌జినీ భార్య ల‌త వాళ్ల అన్న‌య్య కొడుకు అనిరుధ్. బ్యాగ్రౌండ్ ఉండే వ‌చ్చాడు ఈ ఇండ‌స్ట్రీకి. త‌మ్ముడు అవుతాడు కాబ‌ట్టే ముందు నుంచి అనిరుధ్ ను వెన్నెంటే ఉండి ప్రోత్స‌హించాడు ధ‌నుష్. ఆయ‌నే వ‌ర‌స సినిమాలు ఇచ్చి ఈ రోజు అనిరుధ్ ను నెంబ‌ర్ వ‌న్ మ్యూజిక్ డైరెక్ట‌ర్ గా మార్చాడు ధ‌నుష్. అయితే ఇప్ప‌టి వ‌ర‌కు ఎన్ని సినిమాలు చేసినా.. అనిరుధ్ కు మాత్రం ర‌జినీ కాంత్ సినిమాకు ప‌ని చేయ‌లేద‌నే కోరిక మిగిలిపోయింది. ఇప్పుడు ఆ కోరిక‌ను కార్తిక్ సుబ్బ‌రాజ్ తీర్చేస్తున్నాడు. ఈయ‌న‌తో ర‌జినీ ఓ సినిమాకు క‌మిట‌య్యాడు. స‌న్ పిక్చ‌ర్స్ ఈ చిత్రాన్ని నిర్మిస్తున్నారు. ఈ చిత్ర షూటింగ్ జులై త‌ర్వాత మొద‌లు కానుంది. దీనికి అనిరుధ్ ర‌విచంద్ర సంగీతాన్ని అందించ‌నున్న‌ట్లు క‌న్ఫ‌ర్మ్ చేసారు ద‌ర్శ‌క నిర్మాత‌లు. మొత్తానికి ఇండ‌స్ట్రీకి వ‌చ్చిన ఏడేళ్ళ త‌ర్వాత మావ‌య్య సినిమాకు ప‌నిచేసే అవ‌కాశాన్ని అందుకున్నాడు అనిరుధ్.
