హీరోల‌కు.. ద‌ర్శ‌కుల‌కు ఫ్ర‌స్టేష‌న్ ఉండ‌కూడ‌దు కానీ త‌మ‌కు ఉంటుంది అంటున్నారు ఎఫ్ 2 టీం. త‌న‌కే కాదు.. త‌న టీంకు కూడా తిక్క ఉంద‌న్నాడు అనిల్ రావిపూడి. ఫ్ర‌స్టేష‌న్ తో పాటు ఫ‌న్ కూడా ఉందంటున్నాడు ఈ ద‌ర్శ‌కుడు. ఇదే ఇప్పుడు త‌న టైటిల్ గా పెట్టుకుని వ‌చ్చేస్తున్నాడు ఈ హ్యాట్రిక్ ద‌ర్శ‌కుడు. ఫ‌న్ అండ్ ఫ్ర‌స్టేష‌న్ అంటూ ఎఫ్2తో ప్రేక్ష‌కుల ముందుకు వ‌చ్చేస్తున్నాడు అనిల్ రావిపూడి.
ఇందులో వెంక‌టేశ్, వరుణ్ తేజ్ హీరోలుగా న‌టిస్తున్నారు. అస‌లే ఇప్పుడు తెలుగులో మ‌ల్టీస్టారర్స్ ట్రెండ్ పెరిగిపోయింది. దీన్ని ఇంకా ఎంక‌రేజ్ చేస్తూ ఈ క‌థ రాసుకున్నాడు అనిల్. ఈ సినిమాను దిల్ రాజు నిర్మిస్తున్నాడు. తాజాగా ఈ చిత్ర రెగ్యుల‌ర్ షూటింగ్ మొద‌లైంది. సంక‌ల్ప్ రెడ్డి సినిమా నుంచి ఎఫ్ 2కి షిఫ్ట్ అయ్యాడు వరుణ్ తేజ్. దీనికోసం లుక్ కూడా మార్చేసాడు. సింపుల్ గా లుంగీ క‌ట్టుకుని ర‌చ్చ మొద‌లుపెట్టాడు ఈ హీరో. వెంక‌టేశ్ కూడా త్వ‌ర‌లోనే షూటింగ్ లో జాయిన్ కానున్నాడు. ఇందులో వరుణ్ తేజ్ కు జోడీగా మెహ్రీన్ కౌర్ న‌టిస్తుంది.
హీరోయిన్ల‌ను రిపీట్ చేయ‌డం అనిల్ కు ఉన్న అల‌వాటు. ప‌టాస్ హీరోయిన్ శృతిసోథితో సుప్రీమ్ లో ఐటం సాంగ్ చేయించాడు.. ఇక సుప్రీమ్ హీరోయిన్ రాశీఖ‌న్నాతో రాజా ది గ్రేట్ లో చిన్న స్టెప్ వేయించాడు. ఇప్పుడు రాజా ది గ్రేట్ హీరోయిన్ మెహ్రీన్ కు మ‌రో ఛాన్స్ ఇస్తున్నాడు.
ఇక వెంక‌టేశ్ కు జోడీగా త‌మ‌న్నాను తీసుకుంటున్నార‌ని తెలుస్తుంది. సీనియ‌ర్ హీరోయిన్ ఎవ‌రైనా మ‌రీ రొటీన్ అయిపోతుంద‌ని భావించిన అనిల్ రావిపూడి.. కొత్త‌గా ఉంటుంద‌ని త‌మ‌న్నాను సెట్ చేసిన‌ట్లు తెలుస్తుంది. ఇప్పుడు త‌మ‌న్నాకు పెద్ద‌గా ఆఫ‌ర్లు కూడా లేవు. ఇలాంటి టైమ్ లో వెంక‌టేశ్ తో అవ‌కాశం అంటే చిన్న‌దేం కాదు. పైగా ఇప్పుడు త‌మ‌న్నా కూడా సీనియ‌ర్ హీరోయినే క‌దా..? ఈ చిత్రం ద‌స‌రా విడుద‌ల‌కు ప్లాన్ చేస్తున్నాడు ద‌ర్శ‌కుడు అనిల్ రావిపూడి. మ‌రి చూడాలిక.. ఈ ఫ‌న్ అండ్ ఫ్ర‌స్టేష‌న్ ఎలా ఉండ‌బోతుందో..?
