సాయిప‌ల్ల‌విపై యంగ్ హీరో సంచ‌ల‌న వ్యాఖ్య‌లు..

సాయిప‌ల్ల‌వి.. ఇప్పుడు ఇది పేరు కాదు.. ఓ బ్రాండ్. ఒక్క సినిమాతోనే ఇండ‌స్ట్రీని షేక్ చేసింది ఈ ముద్దుగుమ్మ‌. త‌న క్యూట్ యాక్టింగ్ తో అంద‌ర్నీ ఫిదా చేసింది. ఇప్ప‌టి వ‌ర‌కు సాయిప‌ల్ల‌వి అంటే కేరాఫ్ క్లీన్ ఇమేజ్.. అందాల ఆర‌బోత‌కు దూరంగా ఉంటూ.. కేవ‌లం న‌ట‌న‌తోనే నెట్టుకొస్తుంది ఈ త‌మిళ పొన్ను. దానికి తోడు స్టార్ హీరోల సినిమాల‌ను కాద‌ని.. కేవ‌లం త‌న‌కు ఇంపార్టెన్స్ ఉన్న పాత్ర‌ల్లోనే న‌టిస్తూ ఔరా అనిపిస్తుంది. ఇప్ప‌టికే కొంద‌రు స్టార్ హీరోల‌కు కూడా నో చెప్పింది సాయిప‌ల్ల‌వి. ఇలాంటి హీరోయిన్ పై ఇప్పుడు ఇండ‌స్ట్రీలో కొన్ని రూమ‌ర్లు వ‌స్తున్నాయి. ఈమె సెట్ కు టైమ్ కు రాద‌ని.. షూటింగ్ ల‌కు ఆల‌స్యంగా వ‌స్తుంద‌ని వార్త‌లు వినిపిస్తున్నాయి. ఆ మ‌ధ్య ఎంసిఏ సెట్ లోనే నాని, సాయిప‌ల్ల‌వికి ఈ విష‌యంలోనే గొడవ జ‌రిగింద‌నే వార్తలు అప్ప‌ట్లో వినిపించాయి.

దిల్ రాజే ఈ ఇద్ద‌రి మ‌ధ్య స‌యోధ్య కుదిర్చాడ‌నే టాక్ కూడా వ‌చ్చింది. ఇప్ప‌టికీ సాయిప‌ల్ల‌వి తీరు మార‌లేదంటున్నారు కొంద‌రు. ఇక ఇప్పుడు మ‌రో యంగ్ హీరో కూడా సాయిప‌ల్ల‌విపై విమ‌ర్శ‌లు చేసాడు. ఈయ‌న ఈ మ‌ధ్యే ప‌ల్ల‌వితో క‌లిసి ఓ బైలింగువ‌ల్ సినిమా చేసాడు. త్వ‌ర‌లోనే ఈ చిత్రం విడుద‌ల కానుంది. ఈ షూటింగ్ లో త‌మ‌కు సాయిప‌ల్ల‌వి చుక్క‌లు చూపించింద‌ని చెప్పాడు ఈ హీరో. ఓ ఛానెల్ కు ఇచ్చిన‌ ఇంట‌ర్వ్యూలో మాట్లాడుతూ సాయిప‌ల్ల‌వికి అస‌లు టైమ్ సెన్స్ లేద‌ని చెప్పాడు ఆ హీరో. ఉద‌యం 9 గంట‌ల‌కు రావాల్సిన సెట్ కు 11-12 గంట‌ల‌కు వ‌స్తుందని.. దానివ‌ల్ల నిర్మాత‌ల‌తో పాటు చిత్ర‌యూనిట్ కూడా చాలా ఇబ్బందులు ప‌డ్డామ‌ని గుర్తు చేసుకున్నాడు ఈ కుర్ర హీరో. హీరోయిన్లు ఇలా ఉంటే చాలా క‌ష్ట‌మ‌వుతుంద‌ని చెప్పాడు యంగ్ హీరో. చూడ్డానికి ఇంత అమాయ‌కంగా.. ఏం తెలియ‌న‌ట్లు ఉంటుంది కానీ సాయిప‌ల్ల‌విపై ఇలాంటి రూమ‌ర్లు వినిపించ‌డం మాత్రం విడ్డూర‌మే. ఇవి అబ‌ద్ధ‌మైతే ఓకే.. కానీ నిజ‌మే అయితే మాత్రం క‌చ్చితంగా ఈ భామ కెరీర్ పై అది ప్ర‌భావం చూపించ‌కుండా ఉండ‌దు.